قصيدة أسوأ ما قيل فى الشعر - هشام الجخ
ما عدت محتاجا لابداع القصائد كى أَقُصَّ روايتى
بينى وبين الشعر ثأر وانتقام وانتظار للرصاص
بينى وبين الشعر رمل يستحى ان يشرب الدم
حين ينزف من أخى ويسيل ممتزجا مع النفط الكريم
بينى وبينك أيها الشعر الجبان
هزائم التفعيلة العربية فى معاقل بلدتى
خد وانت جاى الفرنسة والجلنزة
والأمركة والصهينة والتقل جاى
حاسس كأنى خروف بليه
بيعلفونى ويغسلونى فكوز غليه
مهو لما حيفا تبقى شيفا وتنقلب عكا ليافا
يبقى مش فاضل مسائل غير شعورى بالهيافه والسخافه
يبقى بيتنا مش هو المكان الصح ليا
الأصول ابقى فى متحف مالمتاحف
ينشرونى ويعرضونى ع المشاوف
ويكتبوا لوحة على صدرى بالخط العريض
احدى الابداعات الاسرائيلية
عربى اخيرا اعترف انه وليّه
هذا السهل براحنا
يا كم تعانقنا به
ولكم نقشنافى نتوءات الحجارة نقشنا
وتمايلت اشجاره تبنى سرادق حبنا
أننى وبكل حزن أنتمى لقبيلة تدعى العرب
يرزقون بالنساء
علمونى أن هذا النفط مخلوق لتزيين النساء
يا ماء هذا النهر قد باعوك فى قلب النهار
وينظرون الآن نحوك ربما تأتى إليهم فى المساء
يامّه ان كوانى البارود غنيلى أغنية
يامّه مويل الهوى يامّه مويلية
ضرب الحجارة أمارة إن انا موجود
وابقى اما اموت يا امّاى ويمسكونى الدود
ويهدوا جامعنا ويحطوا نجمة داوود
اياكى تبكى عليا
وجوزى البت فاطمة وخليها متخلفش
اصل الخلف م الليلة دى راح يبقى كله يهود
سافرت يا نفط الهزائم واصطحبت الأرض فى نفس السفينة
وسجلت عيناى فى التاريخ إحراق البواخر
الشعر يا نفط الأرامل يكشف الداء المسمى بالرجولة
والقصائد أرّقتنى ليتنى ما كنت شاعر
ليتنى يا تمر نخلى ما زرعتك طالما ما عدت ثامر
يا نخل الشط هاجر كل شئ مالنا نأبى نهاجر
لما يعد فى موطنى إلا بقايا من بقايا... من بقايا
فى بلدتى كل الرجال تأنثوا
كل الرجال تأنثوا وتحبّلوا وتبدّلت أوجاع نخوتهم بأوجاع المرأة
كل الرجال تخنّثوا فى بلدتى وأنا وحيد
أنظُم الشعر البليد
هذى القصائد وقتها كانت تخفف وحدتى
والآن يرفضنى القصيد
ملّت يداى الشعر
ملّ الشعر منى
هامشى ويا الشحاتين وأبكى على حلمى اللى تاه
بس مش هشحت رغيف
هشحت وطن لله
تعليقات
إرسال تعليق