أدينى نجحت - الشاعر هشام الجخ
والمدرج والسلالم والحيطان قالت يا عالم
بكرة هنشوف منه تاني ولا غار
وإرتحنا منه بعد ما طال الإنتظار
والمسرح اللي يدوب عرفني مرتين عامل فرح
هشام نجح وإرتحنا منه ومن كلامه
ومن قصايده وماللومان اللي يوماتي بينفتح
هشام نجح ونجاحه عبرة وموعظة ودرس إنشرح
إسمع واعي
كان في هنا واد أسمراني ألمعي
عملّي فيها الأصمعي
وكتب حياته على الورق
يا جامعة مليانة ورق
من غير ما حتى يتنعي
فاسمع واعي
مقدرتش استنّى لبكره
كانت ساعتها الشمس لسه يدوب بتطلع
وأنا جاي الصبح وحدي
لسه واصل مالسفر والدنيا برد
الدموع دفّتلي خدي
قلت أنط السور ألم سنيني من جوه
السور غبي مرديش يخليني أعدي
سور الرعايه عشان جديد مفهمش قصدي
أنا الوحيد اللي إتدبحت
تعليقات
إرسال تعليق