وعد يا ست البنات - هشام الجخ
وعد يا ست البنات
يا حتة القلب اللي مات
وعد يا ست البنات
هفضل أحبك من سُكات
و اشرب سجاير بره أوضتك من سُكات
والبس هدومي و انتي نايمة
و اقفل الباب من سُكات
و افضل أعلّم كل شهرين جوا كشف التطعيمات
وعد يا ست البنات
لفضل أحوشلك جهازك
و اشتريلك طقم صيني
و ابقى حالق دقني دايما
و انتي بس اللي تبوسيني
أوعي ماما تعرف اننا جبنا شيبسي
فكريني و احنا نازلين ابقى اجيبلك بُكره بيبسي
ما تتشاقيش في المدرسة وماتلعبيش وسط الولاد
و فكريني ابعت معاكي صورة لشهادة الميلاد
ياه عالوجع..
لما بتصغر من مرارته أى آه
ولا يصحيكش من حلمك إلا على شهادة الوفاة
وعد يا ست البنات
و اشرب سجاير بره أوضتك من سُكات
والبس هدومي و انتي نايمة
و اقفل الباب من سُكات
و افضل أعلّم كل شهرين جوا كشف التطعيمات
لفضل أحوشلك جهازك
و اشتريلك طقم صيني
و ابقى حالق دقني دايما
و انتي بس اللي تبوسيني
فكريني و احنا نازلين ابقى اجيبلك بُكره بيبسي
و فكريني ابعت معاكي صورة لشهادة الميلاد
ياه عالوجع..
لما بتصغر من مرارته أى آه
ولا يصحيكش من حلمك إلا على شهادة الوفاة
تعليقات
إرسال تعليق