أشعار ليالى حصاد الصبار - الشاعر هشام الجخ
يا محمّلين حلمكم
طالقينه يملا الخلا
لا نفعكو طول حلمكم
ولا الخلا بيتملا
بيني وبينك سور
ما بينا مدة إيد
وانا بدراع مكسور
على حلمك اللي اندفن
سايق عليك الكفن
تنسى الحطب والنار
ما بينا مدة إيد
لكنها مشوار
وهم وهوى وأفكار
مستني إيه م العطش؟
ليلة حصاد صبّار
عاشق غريب لسّاه
داير على الأمكنة
يشحت وطن لله
مبقاش بيسمع غنا
من كتر قولة آه
وبنندبح وبنعبد السكاكين
وبنتسجن ويذلنا السجان
ونموت لو يفتح الزنازين
تعليقات
إرسال تعليق