أيوة بغير - هشام الجخ
أيوه بغير
من قال إن الغيرة حرام ؟
الغيرة دي إحساس وهيام
حاجة متتغناش في كلام
ومفيش عاشق مش بيغير
أيوه بغير
زي النخل ما علا جريده
زي العقد ما زين جيده
زي ولد ماسك على إيده
لا الطيارة بتاعته تطير
أيوه بغير
لا انا نقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس بغير
واللي قالولك غيرة الراجل
قِلّة ثقة او قلة فَهم
خَلْق حمير
غيرة الراجل نار في مَرَاجِل
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها يبقى يا غُلْبها
اصلنا ناس على قد الطيبة كلنا هيبة
والنسوان في بلادنا جواهر
طب لو عندك حتة ماس
حتخلّيها مداس للناس؟
ولا حتقفلي اوضة عليها بميت ترباس
يمكن حتى تأجري ليها جوزين حراس
يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل اللي لا ليه اخر ولا أول
اللي طلعت لقيتني صعيدي
لو كان بايدي كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟ هو انا كلب ؟
ثم العبرة ماهيش في اللبس
أصل المشكلة مش فى اللبس
أصل المشكلة عندك .. عندك
قلت حاسيبها وبكرة تحس
بعده تحس.. بعده تحس
ده انا لو جبس كنت زعقت
ماشي صداقة وماشي زمالة
بس ماجَتْش على الرجالة
ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير
من قال إن الغيرة حرام ؟
الغيرة دي إحساس وهيام
حاجة متتغناش في كلام
ومفيش عاشق مش بيغير
زي النخل ما علا جريده
زي العقد ما زين جيده
زي ولد ماسك على إيده
لا الطيارة بتاعته تطير
لا انا نقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس بغير
قِلّة ثقة او قلة فَهم
خَلْق حمير
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها يبقى يا غُلْبها
والنسوان في بلادنا جواهر
حتخلّيها مداس للناس؟
ولا حتقفلي اوضة عليها بميت ترباس
يمكن حتى تأجري ليها جوزين حراس
كل الفرق ما بيني وبينك اني صعيدي
ينعل ابو ده اليوم الاكحل اللي لا ليه اخر ولا أول
اللي طلعت لقيتني صعيدي
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟ هو انا كلب ؟
أصل المشكلة مش فى اللبس
أصل المشكلة عندك .. عندك
قلت حاسيبها وبكرة تحس
بعده تحس.. بعده تحس
ده انا لو جبس كنت زعقت
بس ماجَتْش على الرجالة
ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير
وانا كمان فى حبك اصبحت اغير
ردحذفما بردو صعيدى والغيره عندى من نار وحديد احبك ي جخ ابو على مصطفى
أحبك جخ
ردحذف