ما كنتش هناك - هشا الجخ
ماشفتش دموعك و كسرت جناحك
و لما الحبيب الوحيد استباحك
ماكنتش معاك
ماكنتش فى وقت انبساطك.. بساطك
ماكنتش فى وقت اندفاعك.. دفاعك
و لما عرفت السهاد و السهر
و أول ليله تناجى القمر
وغامت عليك السما و الليالى
سامحنى يا غالى.. ماكنتش سماك
فى اول بحبك.. ماكنتش معاك
و اول واحشني.. ماكنتش معاك
فاتتنى الحاجات المهمه في حياتك
ولما دموعك بتحكى اللى فاتك
بحس انى عاجز افسر بكاك
يمكن لانى.. ماكنتش هناك
تعليقات
إرسال تعليق