قصيــــده سكـــرانة - هشام الجخ
خدت قرار مش هاكتب شعر
وإني هذاكر وانجح أفلح
واخد البكاليريوس وأتجوز
وأشتري عفشتي بالتقسيط
ن كام شهر أنا كنت عبيط
زرعت الميه وطرحت فجلة
جاب العجل الفجلة لعجلة
وقالها مهرك
ريحة قهرك
فايحة في نهرك
قالت إوعى تعيش كسلان
بابا نويل بيوزع يويو في حرب إيران
فيلم السهرة مكنش سياسي
كان عباسي
عبدالناصر حب يقلب فينا الروس
ساوى الروس
لأجل ما تبقى مثقف زي صاحبنا إياه
عندك ماركس عندك هيجل
عندك حسن البنا وحجي
عندك زحمة
صفي ونقي
حاصل ضرب النكسة في حرب أكتوبر في معاهدة ديفد
بيساوي حاصل ضرب النار في التار في العار
مرفوعه لأس اتنين مخاويت
وزي إمرؤ القيس وجلامدة اللي بتنزل من عل
عندينا واد اسمه علي بيطلع الدبابة ويلف بيها في البلد
ومراته دايرة بشعرها تدور عليه
ومتسألوش أنا قصدي إيه
أنا نفسي مش فاهم كلامي
بس الكلام واعر حويط
أنا اللي دون الناس.. عبيط
كنت بوضب روحي واحبك لأجل ما أقابلك
كنت في كل حلاتك قابلك
تفرحي قابلك
تزعلي قابلك
تتقلي قابلك
كنتي الأرض وكنت سنابلك
كنتي الحرب وكنت قنابلك
حتي في بعدك وإنتي مسافرة
وبيني وبينك ألف محطة كنت بقابلك
ولا ساب حقة زي ما سابلك
عمره ما ضحى بسهده وسهره
وجاب من عمره زي ما جابلك
سِحْرٌ تمدَّدَ بَيْنَ ضِلْعَيَّ
وتَوَارَي خَلْفَ ُسلَّمِ مَنْزِلِكِ
تَرَكَ لَكِي رِسَالَةَ كُلِّ صَبَاحٍ وسَافَرْ..
شهد عليكي الشبابيك اللي فتحتيها علشاني في نص الليل
وعز البرد يشهد عليكي محل الهدايا اللي ع الناصية
وكشك الورد
تشهد عليكي إمتحاناتي اللي علشانك مدخلتهاش
تشهد عليكي ودني هوستن جورج مايكل
عم شوقي بتاع الفطير كيف يصير الحال كده
م الإبتدا أنا اللي غلطانلك
وأنا اللي محقوقلك
وأنا اللي دون الناس عشقتك
كنت عايش جوه صدرك حلم دافي
كنت بنسى الناس وأجيلك يوم معادك ياكش حافي
كنت أبسط من بسيط
واكتشفت إني ف هواكي
كنت دون الناس.. عبيط
انا بحبك اوى ونفسى ابقاا زيك ونفسى اقابلك اوى😞♥️
ردحذفأقسم بالله ما فاهم حاجه
ردحذف