سرّى جدا إلى البحر - هشام الجخ
ليه الموج فى عز الهوج ما بيخلصش
و الملح سد وِدانك و دانك لجل ما تخلصش
و رَفعت عنها الحجاب
و لزقت فستانها بالعاني على ضهرها
و جرحت رِجل الواد اللي جري في ضهرها
و اللي جراحه هوى
مالهوش طبيب غيرك
مع إِن نــانــا صبيّة
زَغزَغت رِجليها
و رَفعت عنها الحجاب
و لزقت فستانها بالعاني على ضهرها
و دبحتني في مهرها و دفعتلك راضي
خليتلي حبي قضيّة وعملتلي قاضي
من ميتى يا بحر الجراح بتطيب بِحبة ملح
و أمَّا الجِـراح بِتصيـب جَدع
بيصِير وجعها بــــ مِيت وجع
تعرف يا بحر الـ ميت وجع
وجع اللى بعنيها سَبِتني
وجع اللي عملِت مني رمل
في قعر جوفك رسَّبتني
و تسعميت مليون وجع للذكريات
دي عمر شايِل صوت هزاري و غلب جدّي
فكر طايِح يوم يِجيب و شهور يِودِّي
عدد المحارة و الودع
عدد الكلام مِن بين شفايِفها الجمال
عدد الشَماسي والكراسي والبنات
عدد الرمال
كل اللي فاكرينك بتجمع للحبايِب شملهم
عالم بقر
ما أنا جبتهالك .. مش جبتهالك
شَهِّد الشمس اللي لسه سمارها فوق ضهري تقولك
إِنّي يا بحر ائتمنتك.. جبتهالك
علّي صوتك
سمع الرمل اللي مدبوح من قساوتك و اندهه
و إِن كان يِجاوِب اسأله فين قصور الواد داهه
وسويتها بِباقي الشط
هيقولولك هو هو الموج يا بحر
زي ما جمع حبايِب زي ما كسر قصور
بس النوبة دي يا بحر موجك القاسي كسرني
هو أنا ناقص كسور
ولا اتكسرتش
زي ما تقول جسمي نحس من الحريم وبقيت وتـد
بس النوبة دي ما انتصرتش
بس خليك واعي دايمًا وافتكر مين اللي بادي
ومن الليلادي لا إِنتَ صاحبي ولا أعرِفَك
إِياك تشوفني بِبِنت حلوة وتطلب إِني أعرفك
صبرك عليا و هـ اكشفك
و هــ جرِّسك و هـ جرِفك و هـ جوِفك
و هـ كَتفك كيِف الذليل
من الليلادي سماك يا بحر هتبقى ليل
و أطمس الدنيا ونهارها
نـانـا مـاتت بس فاضل لسة نارها
و العزا عالق ما بِيني و بِينك إنت
والله ما هقبل عزاك
قبل ماخد بإيدي تارهـا
تعليقات
إرسال تعليق